Flokkaskipt greinasafn: Heimalagað

Heimabrugg er vandað brugg. Menn og konur hafa stundum sent okkur hér á Bjórbókinni/Bjórspeki smakkprufur. Það er virkilega gaman að upplifa hve vandaðan bjór fólk er að gera heima hjá sér. Hér er ætlunin að taka fyrir eitthvað af því sem menn senda inn til okkar. Kærar þakkir fyrir okkur!

Innsend smakkprufa – Þýskt eðalöl

Mynd | Posted on by
Innsend smakkprufa - Þýskt eðalöl

Hveitibjór – þýskt eðalöl frá Ragga í EFLU

Fyrir ekki svo löngu fékk ég þennan bjór sendann frá heimabruggara Ragga sem starfar hjá EFLU.  Þetta er einn af tveim flottum sem hann sendi mér.  Hinn var ESB sem var mjög skemmtilegur.  Þessi heitir einfaldlega Hveitibjór þýskt eðalöl.   Nafnið segir það sem segja þarf, stíllinn er hveitibjór að hætti Þjóðverja.  Alltaf gaman að fá svona smakk af því sem þið eru að bardúsa í skúmaskotum heima við.  Þessi er flottur í glasi, stór og flottur froðuhaus, ofsa smart.  Í nefi látlaus en með dulítilli gerlykt og svo ávextir og mildar kryddnótur.  Það er ekki þessi áberandi banana/perulykt sem oft má finna í þessum stíl.  Í munni er hann dálítið beittur, bjóst við mildarki karli.  En þessi er flottur, tekur örlítið í og svo eru einhverjir kryddtónar.  Svo er ég ekki alveg viss, ekki áberandi sætir ávextir, frekar eins og dálítið rammur börkur, appelsína?  Dálítið eins og belgísku útgáfurnar?   Svo er eins og dálítið maltað sætt eftirbragð sem kemur bara vel út.
Flottur þægilegur og einfaldur hveitibjór.  Nokkuð vel að verki staðið bara.  Menn geta verið stoltir af þessum.

Bitri Gaurinn – innsent heimabrugg!

Mynd | Posted on by
Bitri Gaurinn - innsent heimabrugg!

Bitri Gaurinn ESB

Það er svo gaman að fá að reka tungu ofan í heimagerðan bjór frá ykkur þarna úti. Ég fæ alltaf annað slagið senda einn og einn til að smakka. Þó svo ég skrifi ekki um þá alla þá detta einn og einn dómur hér inn. Stílar eru margir og mismunandi. Það er mjög klassískt að brugga Pale Ale eða IPA heima við. Stout og Imperial Stout er einnig mjög vinsælir stílar. Sjálfur er ég orðinn mjög spenntur fyrir Imperial Stout því ég er mjög kresinn á þann stíl og er stöðugt
að leita af þeim fullkomna. Það er gaman að sjá þegar fólk fer aðrar leiðir,ESB eða Extra Special Bitter er eitthvað sem ég drekk ekki á hverjum degi. Í raun ekki stíll sem ég hef mikið lagt mér til munns. Er reyndar ekki mikið fyrir enskan bjór yfir höfuð. Var samt mjög spenntur fyrir þessum skemmtilega bjór sem kemur frá Ragga hjá EFLU, bjórinn kallar hann Bitri Gaurinn. ÉG veit ekki prósentuna en hann notar Pale Ale, Caramunich II og Cara Aroma malt. Humlarnir eru East Kent Goldings og Fuggles og svo enskt ölger.

Bjórinn er dálítið mikið kolsýrður, ekki beint gusher en honum liggur á að komast úr flöskunni. Mikil froða í glasi sem hverfur fljótt.Liturinn er brúnn og passar þannig við stílinn. Mattur og ósíaður sem er plús í mínum bókum.
Í nefi má finna dulitla sætu og sýrðan blæ. Malt er þarna einnig með og svo einhver ber. Örlítið járn sem hverfur þegar líður á. Í munni er um mildan bjór að ræða, töluvert kolsýrður sem truflar ekki en miðað við stíl mætti vera minna. Sætur á tungu, malt og dash af ávöxtum. Biturleika er stillt í hóf. Bjórinn er í nokkuð góðu jafnvægi þó svo að sætan nái ögn yfirhöndinni. Líklega mætti bjórinn vera beiskari miðað við stíl en fyrir mína parta er hann bara nokkuð flottur einmitt svona. Ljúft maltað eftirbragð hangir inni lengi lengi.

Já ég er mjög sáttur við þennan bjór. Bitri Gaurinn fær grænt ljós hjá mér og verður líklega til þess að ég held ég fari aftur að eiga meira við ESB og English Bitter. Takk fyrir mig!